قامي اسمبلۍ د قانون او انصاف قائمه كمېټۍ چيئرمېن رياض فتيانه اے پي پي سره خاص خبرې

اسلام آباد ۔ 20 فروری (اے پی پی) د قامي اسمبلۍ د قانون او انصاف قائمه كمېټۍ چيئرمېن رياض فتيانه وئيلي دي د معاشي او عدالتي انصاف وركرې پشمول د اقليتونو حقونو تحفظ باوري كولو ته حكومت تر ټولو وړومبې پام كوي۔ ناانصافي ختمولو سره به مساوات او د آئين برلاسي ته وده وركول وي۔ د عدالتي اصلاحاتو په شمول ټولو څانګو كښې ري سټركچرنګ سره ادارو كښې اولس دوسته قاعدې او ضابطې معارفي كوؤ۔ د منځومانې او بې وزله طبقې نمائندګي اصل جمهوريت دے۔ هر وګړي ته بايد د هغه د اهليت ترمخه ذمه واري وركړې شي۔ پارلېمنټ كښې د بېلو څانګو نمائندګي باوري كولو له ضروري ده چې د پروفېشنل کوټې بېلې چوكۍ خاص كولو له قانون سازي وكړې شي۔ د دې خيالاتو څرګندونه ده د اے پي پي دورې په مهال خپلو خاص خبرو كښې وكړه۔ ده ووئيل د هېواد په سياست كښې د مډل كلاس او بې وزله طبقې بايد كردار وي۔ سیاستمدار پارليماني غړي پالېسۍ جوړوي او په بېورو كرېسي دا عملي كوي۔ ځكه سياستمدار بايد قانون څخه واقف وي۔ ده ووئيل مونږ له به د اولسي ګيلو په سمدستي توګه لرې كولو له طبقاتي فرق او احساس كمتري ختمول وي۔ ده ووئيل د معاشي او عدالتي انصاف وركرې په شمول د اقليتونو حقونو تحفظ باوري كولو ته حكومت تر ټولو وړومبې پام كوي او د ناانصافي ختمولو سره به مساوات او د آئين برلاسي ته وده وركول وي۔ د عدالتي اصلاحاتو په شمول ټولو څانګو كښې ري سټركچرنګ ته وده وركولو سره ادارو كښې اولس دوسته قاعدې او ضابطې معارفي كوؤ۔ ده ووئيل آئين كښې د هر وګړي د بشري حقونو تعين شته ولې په دې قانون عملدرآمد څخه عام وګړي خبر نه دي۔ ده ووئيل د حضرت محمد (ص) د آخري حج خطبه د بشري حقونو اولنې منشور دے په كوم كښې چې د عدل او انصاف ٬ خېر ښېګړې او زغم درس وركړې شوې او مونږ له به په دې عمل كولو سره پاكستان د پرمختګ په لاره روانول وي۔ ده ووئېل د پاكستان په آئين كښې د زده كړې ٬ روغتيا او د خوراك تحفظ ذمه واري د رياست ده۔ حكومت د دې ذمه وارو ترسره كولو عزم لرې۔ موجوده حكومت 50 زره انډر ګرېجوېټ ځوانانو ته وظيفې وركړې او ځوانانو ته په آسانو شرطونو قرض وركولو له 100 اربه روپۍ بېلې كړې شوي۔ رياض پتيانه ووئيل هېواد به اسلامي فلاحي رياست جوړوؤ۔ ده ووئيل پخوا پرائیویټ میډیا هائوس ته ذاتي تشهير لپاره 50 اربه روپۍ وركړې شوې كومې چې موجوده حكومت نه وركوي۔ ریاض فتیانه ووئيل په هېواد كښې زيات مقدا غنم موجود دي په دې اړه پروپېګنډه كولې شي۔ د روپۍ قدر پرېوتو سره ګراني زياته شوې۔ اوس د روپۍ قدر مستحكم شوې او د ډالر قيمت به هم ډېر زر كم شي۔ ده ووئيل اسلام كښې د عشر او زكوة د لارې مالدارو څخه بې وزلو ته یپسه منتقل كړې كېږي ٬ دغسې ټول خلق بايد ټېكس وركړي۔ ده ووئيل مونږ له به د عدليه په شمول ټولو ادارو كښې اصلاحات كول وي۔ ده ووئيل اهل وګړي له د مناسبې ذمه وارۍ وركولو سره پاكستان 5 كاله كښې معاشي طاقت جوړېدې شي۔ ده ووئيل د بار اېسوسي اېشن ټاكنو موده بايد درې كاله وي دغسې چې وكيلان په فعاله ډول عدالتونو كښې مقدمې مخ په وړاندې بوتللې شي۔ ده ووئيل دا مهال د مېرمنو په اړه 100 او د كوچنيانو په اړه 40 قانونونه موجود دي۔ د كوچنيانو په اړه د قانونونو انضمام له د محمود بشير ورك په مشرۍ كښې يوه كمېټي كار كوي۔ ده ووئيل د زياتره سركاري محكمو قاعدې او ضابطې نشته ٬ په دې اړه 100 څخه زيات بلونه قامي اسمبلۍ ته وړااندې كړې شوي۔ ده ووئېل ټولې اړوندې سركاري ادارې بايد خپلې قاعدې او ضابطې پارلېمنټ ته وړاندې كړي او د پارليماني تګلارې له مخې د دغې منظوري واخستې شي او هر درې كاله پس دغې ته بيا كتنه وكړي۔ ”اے پی پی” سره خبرو كښې ده ووئيل د فاټا انضمام څخه وروستو قامی اسمبلۍ د خېبرپختونخوا د قامی اسمبلۍ 12 او صوبائی اسمبلۍ 24 چوكو زياتولو منظوري وركړې۔ اوس دا بل سېنېټ سره دے ۔ ده ووئيل مونږ د احتساب نظام لا مضبوطول غواړو۔ مونږ غواړو چې كرپټ كسان ونيولې شي او كوم وګړې په ناجائزه توګه پرېشانه نه كړې شي۔ ده ووئيل مونږ له به علم ته زيات پام كول وي۔ د قامې اسمبلۍ غړي ووئيل د انساني وسائلو پرمختګ د وزيراعظم وژن دے۔ په دې لړ كښې ځوانانو ته د کمپیوټر ټېکنالوجی په شمول د نوې ټېكنالوجي تربيه وركولې شي۔ ده ووئيل د طلباﺀ يونين ټاكنې بايد په غېر سياسي بنيادونو وكړې شي او په دې لړ كښې به مونږ له تعليمي ادارو كښې د وسلې كلتور ختمول وي

مضمون کا ماخذ : prêmios raspadinha

متعلقہ مضامین