شبہاز شریف کوں بیرون ملک ونڄݨ ݙیوݨ دے فیصلے دے خلاف اپیل کریسوں، جیڑھا آپ مفرور نواز شریف دی گارنٹی پوری نہ کرسڳیا اوندی گارنٹی کیویں منیجے،وفاقی وزیر چوہدری فواد حسین دی پریس کانفرنس
APP01-090521
ISLAMABAD: May 09 - Federal Minister for Information and Broadcasting Chaudhary Fawad Hussain and Adviser to Prime Minister on Accountability & Interior Mirza Shahzad Akbar addressing a press conference at Pak China Friendship Center. APP photo by Saleem Rana
اسلام آباد۔9 مئی(اے پی پی)وفاقی وزیر اطلاعات و نشریات چوہدری فواد حسین آکھیے جو حکومت عدالتی فیصلاں دا احترام کریندی اے بھل شبہاز شریف کوں بیرون ملک ونڄݨ ݙیوݨ دے فیصلے دے خلاف اپیل دا حق استعمال کریسوں، جیڑھا آپ مفرور نواز شریف دی گارنٹی پوری نہ کرسڳیا اوندی گارنٹی کیویں منیجے، شریف فیملی اچ ٻال بعد اچ ڄمدے بھل اپارٹمنٹ پہلے اوندے ناویں تھی چکیا ہوندے، قانون نواز شریف فیملی اتے عام لوکاں کیتے ہکو سواں ہووݨا چاہیدے، کرپشن دے خل??ف اے جدوجہد عمران خان دی نئیں پورے معاشرے دی اے، ہر ادارے کوں ایندے اچ کردار ادا کرݨا چاہیدے۔ اے ڳالھ انہاں اسلام آباد اچ مشیر احتساب و داخلہ بیرسٹر شہزاد اکبر دے رلے پریس کانفرنس اچ آکھی۔ انہاں آکھیا جو اساں سمجھدے ہاسے ??و نیب اتے عدالت شہباز شریف توں نواز شریف گارنٹی دا پچھسی ج?? او حالی تئیں کیوں نئیں آئے بھل ہکے ݙینھ انہاں دی درخواست وی منیج ڳئی، نوٹس وی تھین، اتے فوری فیصلہ وی آڳئے، ݙو خانداناں ملک اچ منظم کرپشن کیتی اے اتے آپت اچ اقتدار دیاں واریاں لیندے رہین، ارباں روپے پاکستان توں چوری تھین اتے پیسہ چوری نال ٻاھرو ویندا رہے جتھاں انہاں جائیداداں مل ڳھدن۔ انہاں آکھیا جو کرپشن دے خلاف پی ٹی آئی اپݨا فرض ادا کرݙتے ہݨ پوری قوم کوں ایندے اچ حصہ پاوݨے جیندے اچ عدالتاں ،پراسکیوشن اتے ٻئے سٹیک ہولڈرز شامل ہین، شہباز شریف کوں ونڄݨ ݙیوݨ دی اجازت ہزاراں قیدیاں دے حقوق نال وانڄھ اے، شہباز شریف کوں نہ ونڄݨ ݙیسوں، انہاں دے خلاف مقدمے توڑ پچائے ویسن۔
