سندھ اچ 14 سالاں توں راج کرݨ آلی پیپلز پارٹی دی کارکردگی صفر اے۔ اسد عمر

کراچی۔19فروری (اے پی پی):پاکستان تحریک انصاف (پی ٹی آئی ) دے سیکرٹری جنرل و وفاقی وزیر اسد عمر آکھیے جو سندھ اچ 14 سالاں توں پیپلز پارٹی دا راڄ اے تے کارکردگی صفر اے،سندھ دی ترقی کیتے وفاقی حکومت اپݨے آئینی اختیارات استعمال کریندے ہوئیں جدوجہد کریندی پئی اے ،کراچی اچ ترقیاتی کماں دی ذمے واری صوبائی حکومت دی اے ، کراچی دی ترقی دی ذمہ واری وفاق چاتی اے ایں کیتے کراچی دے شہریاں کیتے میگا پروجیکٹس گھن تے آیوں ۔پی ٹی آئی دی طرفوں جاری بیان موجب اے ڳالھ انہاں انصاف ہائوس اچ پی ٹی آئی دے اہم اجلاس دی صدارت کریندے ہوئیں آکھی اے ۔ اجلاس اچ اپوزیشن لیڈر سندھ اسمبلی حلیم عادل شیخ، پارلیمانی لیڈر خرم شیرزمان، صدر پی ٹی آئی کراچی بلال غفارموجود، سعید آفریدی، رابستان خان،ارسلان تاج،راجہ اظہر،سدرہ عمران،رابعہ اظفر ، شاہنواز جدون ،ریاض حیدر، عدیل احمد، عباس جعفری سودھے ٻئے شریک ہن ، اجلاس اچ گھوٹکی کراچی مارچ دے حوالے نال لائحہ عمل تیار کرڳھدا ڳئے ،اجلاس اچ شریک ارکان دی طرفوں سندھ حقوق مارچ متعلق مختلف تجاویز تے وی غور کیتا ڳئے ۔پی ٹی آئی دے سیکرٹری جنرل و وفاقی وزیر اسد عمر سندھ سودھے کراچی ریجن دی تنظیم دے نویں منتخب عہدیداراں کوں مبارخ ݙتی ۔

مضمون کا ماخذ : raspadinha آن لائن

متعلقہ مضامین