پنج توں گھن تے 6 فیصد دی پائیدارنمودی صورت اچ پاکستان کوں آئی ایم ایف دے ھک ٻئے پروگرام دی لوڑھ کائناں ہوسی، ،وزیرخزانہ شوکت ترین دا بلوم برگ کوں انٹرویو

اسلام آباد۔3فروری (اے پی پی):وفاقی وزیرخزانہ ومحصولات شوکت ترین آکھیے جو پنج توں گھن تے 6 فیصد دی پائیدارنمودی صورت اچ پاکستان کوں آئی ایم ایف دے ھک ٻئے پروگرام دی لوڑھ کائناں ہوسی ، ملک جامع اتے پائیداربڑھوتری دی رستے ٹردا پئے ، حکومت بچت اتے کفایت شعاری تے یقین رکھیندی اے تے آوݨ آلے بجٹ اچ اساں آپݨے خرچیں تے قابو پاوݨ دیاں کوششاں کریسوں اے ڳال انہاں بلوم برگ کوں انٹرویوݙیندے ہوئیں آکھی اے وزیرخزانہ شوکت ترین آکھیے جو پاکستان کثیرالجہتی قرضہ ݙیوݨ آلیں تے انحصارختم کرݨ چاہندے ، ایں مقصد کیتے مالیاتی اتے تجارتی خسارے اچ کمی تے آپݨے سرمایہ دیاں منڈیاں دی حقیقی استعداد توں فیدہ چاوݨ دی پالیسی تے ٹردا پئے کیوں جو ایں صورت اچ پاکستان پائیداراقتصادی نمودی رستے تے ٹر سڳدے ۔وزیرخزانہ آکھیے جو بجٹ خسارے کوں 6.1 فیصد توں گھٹ کرتے 5 توں گھن تے 5.25 فیصد دی سطح تے گھن آوݨ تے ایندے نال جی ڈی پی دی نموکوں 5 فیصد توں ودھا تے 6 فیصدکرݨ ساݙا ہدف اے ساݙا خیال اے جو اے پروگرام(آئی ایم ایف پروگرام) کافی اے۔ جے اساں 5 توں گھن تے 6 فیصد تئیں نموحاصل کریسوں ، جیڑھا جو ھک پائیدارنمواے، تاں میݙا نی خیال جو اساکوں بین الاقوامی مالیاتی فنڈ دے ھک ٻئے پروگرام دی لوڑھ ہوسی ۔وزیرخزانہ آکھیے جو پاکستان مارچ اچ ای ایس جی کمپلئینٹ یوروبانڈ توں ھک ارب ڈالر کٹھاکرݨ دا منصوبہ بݨائے ، گزریل ہفتے پاکستان سکوک توں ھک ارب ڈالر کٹھے کیتے ہن ۔انہاں آکھیے جو معیشت اچ پائیدارنمودے ہدف دے حصول کیتے پاکستان اپݨی برآمدات ودھاوݨ کیتے اقدامات کریندا پئے ، سٹیٹ بینک ایں ضمن اچ مینوفیکچررز کوں سستے تے سوکھیں قرضیں دی سہولت ݙتی اے ، حکومت بجلی دی قیمت کوں خطے دے مطابق کرݙتے ۔ساݙی برآمدات داادھ حصہ ٹیکسٹائل مصنوعات تےمشتمل اے، حکومت ٹیکسٹائل مصنوعات دی برآمدات کیتے جامع اقدامات کیتن ، اڄوکے سال ٹیکسٹائل مصنوعات دی برآمدات 40 فیصد ودھارے دے نال 21 ارب ڈالر توں ودھ ویسن جݙاں جو آندے مالی سال اچ ٹیکسٹائل مصنوعات دی برآمدات 26 ارب ڈالرتھی ویسن ۔ ۔وزیرخزانہ آکھیے جو موجودہ حکومت معیشت دی جامع اتے پائیدارنمو کیتے ضروری اقدامات کرݨ دیاں کوششاں کریندی پئی اے جݙاں جو اساں ھک واری رفتاروٹھیسوں تاں میݙے خیال اچ 20 توں گھن تے 30 سالاں اچ اساں نمودی پاسے ویسوں۔

مضمون کا ماخذ : prêmios raspadinha

متعلقہ مضامین