اسلام آباد۔5اکتوبر(اے پی پی) وفاقی وزیرداخلہ محسن نقوی آکھیے دھاوا ٻولݨ آلیں نال مذاکرات اصلوں نہ تھیسن، وزیر اعلیٰ خیبرپختونخوا حد توں دھدے پئن تے موجودہ صورتحال دے ذمہ وار ہ??،مظاہرین دی طرفوں پولیس تے فائرنگ تے شیلنگ کیتی ڳئی ،مظاہرین اچوں افغان شہریاں دا وٹھیا ونڄݨ تشویشناک اے،ایندی تحقیقات کریندے پیوں ۔ میڈیا نال ڳالھ مہاڑ کریندے انھاں آکھیے ملک دے لوکاں دا احتجاج انڄ ڳالھ اے، پولیس تے فائرنگ کیتی ڳئی تے آنسو گیس وی سٹی ڳئی ، اتھاں 80 توں پولیس اہلکار زخمی تھئن ، انھاں آکھیے جو لوک احتجاج کوں پرامن آکھدے پئن تے او ݙیکھن جو شرپسنداں دی طرفوں فائرنگ کیویں کیتی ڳئی ۔ انھاں آکھیے اے تفصیلات وی سامݨے آئن جو باقاعدہ ہتھیار نال گھن آوݨ دی مختلف گروپاں اچ ہدایات جاری کیتیاں ڳئن ۔ انھاں آکھیے مظاہرین اچ افغان شہری وی موجود ہن۔انہاں واضح کیتے اساں کہیں صورت ایس سی او کانف??نس کوں سبوتاژ نہ تھیوݨ ݙیسوں ، انھاں آکھیے ایندی ذمہ واری جتھوں ہدایات آئن انھاں تے ہے تے ساریں دی قیادت وزیر اعلیٰ کے پی کریندے پئن ،ایں ساری صورتحال دے ذمہ وار اوہے ہن جیڑھے اسلام آباد تے دھاوا ٻولݨ آلے جھتے دی قیادت کریندے پئن ،او وزیر اعلیٰ ضرور ہ?? لیکن ایندی قیمت ادا کرݨی پوسی ۔ انھاں آکھیے مسلسل املاک کوں ضیان پڄایا ویندا پئے ۔ انھاں خبردار کیتے جے اے سلسلہ جاری رہیا تے لائن کراس کیتی تاں برداشت نہ کریسوں ۔ ھک سوال دے جواب اچ انھاں آکھیے او صوبائی حکومت دے سربراہ ہن انہاں کوں اساں ایں توں باز رہݨ دی ڳالھ کیتی لیکن او کہیں ایجنڈے تے ہن ، انھاں آکھیے وفاقی تے صوبے دے درمیان رابطہ ہرطرح نال تھیندا پئے ، اساں کنے موجود نفری تعینات اے رینجرز اتے فوج تعینات کرݙتی ڳئی اے ۔مزید نفری وی تعینات کریسوں ۔ھک ٻئے سوال تے انھاں آکھیے شواہد توں پتہ لڳدا پئے جو انھاں دا مقصد ایس سی او کانف??نس کوں سبوتاژ کرݨا اے۔انہاں آکھیے دھاوا ٻولݨ آلیں نال مذاکرات نی تھی سڳدے ، ھک پاسے دھاوا تے ݙوجھے پاسے مذاکرات نی تھی سڳدے، سیاسی قیادت کے پی دے حوالے نال ہر صورتحال تے رابطے وچ ہے ، اے ڳالھ واضح ہے جو وزیر اعلی کے پی کے حد پارکریندے پئن ، انھاں اسلام آباد دے شہریاں توں معذرت کریندے آکھیے جو انھاں کوں اے سمجھݨا چاہیدے جو ایویں کیوں کیڑھے لوکاں دی وجہ توں کیتا ویندا پئے ۔ ساݙے پولیس اہلکاراں کنے ہتھیار کائنی جݙاں جو احتجاجی مظاہرین کنے ہتھیار ہ??۔ھک سوال دے جواب اچ انھاں آکھیے جنہاں کوں شہری قرارݙتا ویندا پیا ہئی او ایبٹ آباد توں احتجاج سانڳے آئے ہن۔
.jpg)
