صدرمملکت ممنون حسین دا جشن آزادی دے موقعے تے سنیہا

اسلام آباد ۔14 اگست (اے پی پی) صدرمملکت ممنون حسین آکھے جو یوم آزادی تے ایں عزم دا اعادہ کرنڑاں ہوسی جو آپنڑیںاتے آونڑآلیاں نسلاں دے مستقبل دے تحفظ کیتے ہک جان تھی تے بانیانِ پاکستان دے نقشِ قدم تے چلدے ہوئیں اندھارے مکاونڑیں اتے سوجھلے کوں آپنراں مقدر بنڑاونڑاں ہوسی ، جمہوریت بارے اجتماعی اتفاق رائے دے مثبت نتیجے سامنڑیں آندے پئے ہن ، انہاں کوں بیا چنگا اتے فیدے مند بنڑاونڑ سانگے لازمی ہے جو اساں اصلاح دا عمل آپنڑیں ذات، گھر، گروہ، طبقے اتے مکتبۂ فکر توں شروع کروں تانجو ریاستی، حکومتی اتے انتظامی سطح تے بروئے کار آنڑآلیاں اقدار اساڈے دل تے دماغ دا حصہ بنڑ تے حقیقی تبدیلی دا ذریعہ بنڑ ونجن۔ ملک کوں بدامنی،دہشت گردی اتے انتہاپسندی توں پاک کرنڑ کیتے افواج پاکستان اتے قنون نافذ کرنڑآلے بئے ادارے مؤثر کردار ادا کریندے پئے ہن ،جئیں پاروں پاکستان اچ امن بحال تھیندا پئے ۔ صدر مملکت اے گالھ یوم آزادی دے موقعے تے قوم دے ناں آپنڑیں پیغام اچ آکھی ۔ صدر مملکت آکھیا جو 14اگست کو ں اساں آپنڑاں یوم آزادی ہک نویں جوش اتے ولولے نال منیدے پئے ہئیں ، اتے اساکوں یقین رکھنڑاں چاہیدے جو اساڈا اے جوش تے ولولہ آونڑآلے ڈینھاں اچ اساڈے کیتے سیاسی، اقتصادی اتے سماجی استحکام دا رستہ ہموار کریسی ۔ صدرمملکت آکھیا جو گزریل کجھ سالیں توں وطن عزیز کئی آزمائشاں توں ڈو چار ریہا ہے جڈانجو قوم آپنڑیں پکے عزم نال انہاں مشکلاں دا سامنڑاں کیتے ، حکومت پاکستان وطن عزیز دے مختلف خطیاں،علاقیاں اتے شہراں کوں بدامنی،دہشت گردی اتے انتہاپسندی توں پاک کرنڑ کیتے بھرپور سیاسی عزم دے نال کارروائی د افیصلہ کیتے جیندے تحت افواج پاکستان اتے قنون نافذ کرنڑآلے بئے ادارے مؤثر کردار ادا کریندے پئے ہن ۔

مضمون کا ماخذ : loteria de Minas Gerais

متعلقہ مضامین