آزادکشمیر انتخابا ت، تحریک انصاف 25 نشستاں تے کامیابی نال واضح اکثریت حاصل کرڳھدی

اسلام آباد۔26جولائی (اے پی پی):آزادکشمیر دے عام انتخابات اچ پاکستان تحریک انصاف آزاد کشمیر واضح اکثریت حاصل کرڳھدی، آزاد کشمیر قانون ساز اسمبلی دے 45 حلقیں اچوں 44 حلقیں دے غیر حتمی غیر سرکاری نتائج دے مطابق تحریک انصاف کوں 25 نشستاں تے کامیابی حاصل تھئی ، پاکستان پیپلزپارٹی 11، مسلم لیگ ن 6 جݙاں جو مسلم کانفرنس اتے جموں کشمیر پیپلز پارٹی کوں ھک ھک نشست ملی اے،ھک انتخابی حلقے ایل اے16 باغ 3 شرقی اچ 4 پولنگ سٹیشنز تے ول پولنگ تھیسی جیں پاروں ایندا نتیجہ روک ڳھدا ڳئے۔ الیکشن کمیشن ولوں جاری غیر حتمی غیر سرکاری نتائج دے مطابق ایل اے1 میر پور 1 ڈڈیال توں تحریک انصاف دے اظہر صادق 14233 ووٹ گھن تے کامیاب قرار پاتن جݙاں جو انہاں دے نیڑے حریف مسلم لیگ ن دے چوہدری مسعود خالد 7609 ووٹ ڳھدے، ایں حلقے اچ پاتے ڳئے ووٹاں دی شرح 41.33 فیصد رہی۔ ایل اے 2 میر پور2 چکسواری توں پاکستان پیپلز پارٹی دے چوہدری قاسم مجید 10377ووٹ گھن تے کامیاب تھئے جݙاں جو تحریک انصاف دے ظفر انور 9110 ووٹاں نال ݙوجھے نمبر تے رہیے ۔ ایل اے 3 میرپور3 سٹی توں تحریک انصاف آزاد کشمیر دے صدر بیرسٹر سلطان محمود چوہدری 18703 ووٹ حاصل کر تے کامیاب جݙاں جو مسلم لیگ ن دے چوہدری محمد سعید 15556 ووٹ حاصل گھن تے ݙوجھے نمبر تے رہیے ۔ ایل اے 4 میر پور 4 کھڑی شریف توں پی ٹی آئی دے چوہدری ارشد حسین 22768 ووٹ گھن تے کامیاب قرار پاتے ، مسلم لیگ ن دے چوہدری رخسار احمد 20984 ووٹ گھن تے ݙوجھے نمبر تے رہیے ۔ایل اے 5 بھمبر1 برنالہ توں مسلم لیگ ن دے امیدوار وقار احمد نور 21799 ووٹ گھن کراہیں کامیاب قرار جݙاں جو پیپلز پارٹی دے چوہدری پرویز اشرف 15583 ووٹ گھن تے ݙوجھے نمبر تے رہیے ۔ ایل اے 6 بھمبر2 سماہنی توں پاکستان تحریک انصاف دے امیدوار چوہدری علی شان 24946 ووٹ گھن تے کامیاب قرار جݙاں جو آزاد امیدوارمحمد رزاق چوہدری 16640 ووٹ گھن تے ݙوجھے نمبر تے رہیے ، ایل اے 7 بھمبر3 سٹی توں پاکستان تحریک انصاف دے امیدوار چوہدری انوار الحق 38308ووٹ گھن تے کامیاب جݙاں جو مسلم لیگ ن دے امیدوار طارق فاروق 32245 ووٹ گھن تے ݙوجھے نمبر تے رہیے ۔ ایل اے 8 کوٹلی ون توں تحریک انصاف دے امیدوار ظفر اقبال ملک 17299 ووٹ گھن تے کامیاب جݙاں جو انہاں دے حریف مسلم کانفرنس دے ملک محمد نواز خان 12107 ووٹ گھن تے ݙوجھے نمبر تے آئے ۔ ایل اے9 کوٹلی 2 نکیال توں پاکستان پیپلز پارٹی دے امیدوارچوہدری جاوید اقبال بڈھانوی24276 ووٹ گھن تے کامیاب جݙاں جو مسلم کانفرنس دے امیدوار سردار محمد نعیم خان 19484 ووٹ گھن تے ݙوجھے نمبر تے رہیے ۔ ایل اے 10 کوٹلی 3 توں پاکستان پیپلزپارٹی دے چوہدری محمد یاسین 9696 ووٹ گھن تے کامیا ب قرار جݙاں جو تحریک انصاف دے ملک محمد یوسف 9507 ووٹ گھن تے ݙوجھے نمبر تے رہیے ۔

مضمون کا ماخذ : resultados loteria ریو ڈی جنیرو

متعلقہ مضامین